İntiharlar və onu doğuran səbəblər - “Çıxışa doğru”da MÜZAKİRƏ – VİDEO
Cəmiyyətin intiharlara çox mühüm, ciddi təsiri var, ancaq yalnız cəmiyyəti səbəb göstərməyimiz də düzgün olmaz. Bu məsələlərin hamısını ətraflı izah etmək üçün elmi nəzəriyyələrə ehtiyac var.
Elmi nəzəriyyədə kifayət qədər əsaslandırılıb ki, hər hansı insanın, sosial qrupun davranışına təsir edən 4 amil var: şəxsi, genlərindən gələn xüsusiyyətlər, yaşadığı mühit, üstünlük verdiyi dəyərlər və alınan informasiyalar. Deməli, bu gün intiharın səbəblərini araşdıranda bu 4 amilə də diqqət yetirməliyik. Anadangəlmə psixoloji cəhətdən intihara meyilli insanlar var. Onları müəyyənləşdirib, intihara meyillidilər deyə aləmə hay salmadan cəmiyyətdə iş üsulu yaratmaq olar.
1news.az-ın verdiyi xəbərə görə, AzTV-nin “Çıxışa doğru” verilişində "İntiharlar və onu doğuran səbəblər" mövzusunda aparılan müzakirələr zamanı bu barədə ətraflı danışılıb. Verilişin qonaqları Təhsil Nazirliyi yanında İctimai Şuranın üzvü Pərvanə Məmmədova, Mənəvi Dəyərlərin Təbliği Fondunun icraçı direktorunun müavini, ilahiyyatçı Ceyhun Əliyev, Karnegi Klub Treninq Mərkəzinin rəhbəri, təlimçi Dr.Nəcəf Allahverdiyev, yazıçı-kulturoloq Aydın Xan Əbilov və Ailə və Uşaq psixoloqu Ramidə Məmmədova mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
