Deputat: “Ermənilərin son 200 ildə törətdikləri vəhşiliklər dünya ictimaiyyətinə çatdırılmalıdır”
“İrəvan şəhərinin başqa yaşayış massivləri kimi Təpəbaşı məhəlləsində də azərbaycanlılar həmişə üstünlük təşkil edib”.
1news.az xəbər verir ki, bunu Qərbi Azərbaycan İcmasının sədri, "Qərbi Azərbaycan yaddaşı" layihəsinin müəllifi, deputat Əziz Ələkbərli "İrəvan şəhərində Azərbaycan milli-mədəni, tarixi irsinin sonuncu qalığı Təpəbaşı məhəlləsinin taleyi: Ermənistanda Azərbaycan xalqının irsinin dağıdılması və tarixi izlərinin silinməsi" üzrə aparılmış araşdırmanın və onun nəticələrini əks etdirən kitabın təqdimatında deyib:
“Onlar zamamla Ermənistandan deportasiya olunub, onlara məxsus tikililər, habelə İrəvan şəhərindəki müsəlman abidələri erməni vandalizminin qurbanına çevrilib. Ermənilərin son 200 ildə törətdikləri vəhşiliklər dünya ictimaiyyətinə çatdırılmalıdır. Bu işdə hər birimiz, Azərbaycan diasporu və digər qurumlar aktiv şəkildə fəaliyyət göstərməlidir”.
