Politoloq: “Yaxın saatlar ərzində Paşinyan Azərbaycan qarşısında diz çökməlidir”
“Ermənistanın baş naziri Nikol Paşinyanın kimə zəng etməsindən asılı olmayaraq, o, ciddi uğursuzluğa düçar oldu”.
Bunu 1news.az-a açıqlamasında Prezident yanında Dövlət İdarəçilik Akademiyasının müşaviri, politoloq Zaur Məmmədov deyib.
“Paşinyan olmur, kim olur olsun Ermənistana heç kim imdad etməyəcək. Kollektiv Təhlükəsizlik Müqaviləsi Təşkilatına (KTMT) müraciət edən Paşinyan anlamalıdır ki, 2022-ci ilin fevral ayında Azərbaycan və Rusiya arasında imzalanan strateji müttəfiqlik sənədinə əsasən Rusiya Azərbaycanın ərazi bütövlüyünü tanımalıdır, sərhəd toxunulmazlığına hörmətlə yanaşmalıdır və 3-cü dövlətlə birlikdə hərhansı bir hərbi əməliyyatlarda Azərbaycan Ordusuna qarşı döyüşə bilməz. Bu olduqca vacib məqamdır. Əgər biz 2022-ci ilin fevral ayına qədər Ermənistan tərəfindən bu kimi mülki müraciətlərdə Rusiyanın öhdəliyinin açıq-aşkar nədən ibarət olduğunu bilirdiksə, bu gün Rusiyanın Ermənistan qarşısında olduğu kimi Azərbaycan qarşısında da öhdəliyi olduğu üçün Rusiya heç bir vəchlə Ermənistana yardım edə bilməz. 2-ci məsələ, Kollektiv Təhlükəsizlik Müqaviləsi Təşkilatındakı türk dövlətlər də Ermənistana bu və digər məsələlərdə kömək etməyəcək. 3-cü məsələ, Azərbaycan BMT-nin 51-ci maddəsinə uyğun olaraq öz təhlükəsizliyini qoruyur və özünü müdafiə ilə məşğuldur və lazım gələrsə, biz Ermənistan daxilində də bufer zona yaradaraq Ermənistandan Azərbaycana gələn təhdidlərlə bağlı addımlar ata bilərik. Məhz Ermənistan rəhbərliyinin, Ermənistan ordusunun son təxribatları bizə belə addımlar atmağa imkan verir. Biz Paşinyanın yenə də Rusiyaya, Fransaya və ABŞ-a zəng etməsinin, yenə də onun qapılar önündə dayanaraq qəbula düşmək istəməsinin şahidi olduq”.
“Çox təəssüflər olsun ki, ABŞ Dövlət Departamentinin rəhbəri Entoni Blinken yuxulu bir bəyanat verdi, bu qəbuledilməzdir” – deyə, politoloq əlavə edib:
“Amma kimin hansı bəyanat verməsindən asılı olmayaraq, yaxın saatlar ərzində Paşinyan Azərbaycan qarşısında diz çökməlidir. Bu dizçökmə Səmərqənddə və yaxud hərhansı bir başqa şəhərdə yaxın vaxtlarda konkret qərarların verilməsi ilə nəticələnə bilər. Azərbaycan Ordusu Ermənistan daxilində harada olmasından asılı olmayaq istənilən erməni hərbi obyektini vurmağa qadirdi. Ermənistan rəhbərliyi bunu unutmasın və öz dövlətçiliyini zərbə altına qoymasın. Hələlik baş verənlər göstərir ki, Ermənistan dövləti bir virusdu, bu virusun tamamilə aradan qaldırılması məsələsi gündəmə gətirilə bilər. Ona görə yaxşı olardı ki, Paşinyan tərəfindən öhdəliklə cəld şəkildə yerinə yetirilsin”.
Xatırladaq ki, 12 sentyabr 2022-ci il tarixində gecə saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib.
Həmçinin oxuyun:
Azərbaycan XİN-dən Ermənistanın təxribatı ilə bağlı BƏYANAT
MN: Azərbaycanın Ermənistanın ərazisinə müdaxilə etməsi barədə yayılan xəbərlər cəfəngiyyatdır
Ceyhun Bayramovla ABŞ dövlət katibinin köməkçisi arasında telefon danışığı olub
