Roma Papası Macarıstana səfər edəcək

Roma Papası Fransisk Macarıstana səfər edəcək.

1news.az "France 24"ə istinadən xəbər verir ki, bu barədə Vatikan məlumat yayıb.

Vatikanın yaydığı proqrama əsasən, 28-30 aprel tarixlərini əhatə edən səfər zamanı Papa Fransisk səfəri zamanı kasıb insanlarla, gənclər və qaçqınlarla da görüşəcək.

O, həmçinin Baş nazir Viktor Orbanla da görüşəcək.
Bu, 86 yaşlı Papanın son iki ildə Macarıstanın ikinci səfəri olacaq. Papa Fransisk 2021-ci ilin sentyabrında ölkəyə bir günlük səfər edib.