Şirvanşahlar Sarayı Kompleksində “Sarayın sirləri” adlı növbəti musiqili gecə keçirilib - FOTO - VİDEO
12 may 2023-cü il tarixində Şirvanşahlar Sarayı Kompleksində məşhur israilli skripka ifaçısı Yevgeniya Epşteyn və tanınmış pianoçu Səidə Tağızadənin iştirakı ilə “Sarayın sirləri” adlı konserti həyata keçirilib.
1news.az xəbər verir ki, “Simurq” musiqi festivalının müəllif və rəhbəri Səidə Tağızadə, həmçinin Aviv simli kvartetinin yaradıcılarından biri, Xorvatiya, Sloveniya, Böyük Britaniyada ustad dərsləri keçmiş məşhur israilli skripka ifaçısı Yevgeniya Epşteyn Azərbaycan və Qərbi Avropa bəstəkarlarının görkəmli əsərlərini ifa etmişlər. Musiqili gecənin qonaqları Heydər Əliyev Fondunun vitse-prezidenti Leyla Əliyeva, Fövqəladə Hallar Nazirliyinin nazir müavini Faiq Tağı-zadə, Elm və Təhsil Nazirliyinin nazir müavini Firudin Qurbanov, Azərbaycan Respublikasının Dövlət İmtahan Mərkəzinin sədri Məleykə Abbaszadə, Almaniyanın səfiri Ralf Horlemann və digərləri açıq havada səslənən gözəl musiqi sədalarından zövq almışlar.
“Sarayın sirləri” konserti “İçərişəhər” Qoruq İdarəsi, Azərbaycan Respublikası Elm və Təhsil Nazirliyi, PAŞA Holding və SİMURQ Musiqi Festivalı tərəfindən keçirilmişdir
