Müxalifət Paşinyanın Qarabağ açıqlaması fonunda etiraz aksiyalarına başlayır
Baş nazir Nikol Paşinyanın Qarabağ da daxil olmaqla, Azərbaycanın ərazi bütövlüyünü tanıması ilə bağlı bəyanatı fonunda Ermənistan müxalifəti küçə aksiyaları keçirməyi planlaşdırır.
1news.az APA-ya istinadla xəbər verir ki, bu barədə keçirilən brifinqdə deputat, “Daşnaksütyun” partiyasının nümayəndəsi İşxan Saqatelyan bildirib.
"Dünən Paşinyan Qarabağın təslim ediləcəyini, həmçinin bunun tarixini açıqladı. Bunun qarşısını almaq üçün 5-6 ay vaxtımız var. Bəli, etiraz aksiyaları, itaətsizlik aksiyaları planlaşdırırıq".
Saqatelyan əlavə edib ki, indiki vəziyyətdə “xalqın indiki hakimiyyətə qarşı üsyan etməkdən başqa yolu yoxdur”.
Xatırladaq ki, Paşinyan dünən bildirib ki, Ermənistan Qarabağ da daxil olmaqla, Azərbaycanın ərazi bütövlüyünü tanıyacaq.
