Avropa Şurası ilə məhkəmə-hüquq sahəsində əməkdaşlıq müzakirə olunub | 1news.az | Xəbərlər
Siyasət

Avropa Şurası ilə məhkəmə-hüquq sahəsində əməkdaşlıq müzakirə olunub

15:33 - 23 / 05 / 2023
Avropa Şurası ilə məhkəmə-hüquq sahəsində əməkdaşlıq müzakirə olunub

Ölkəmizdə səfərdə olan Avropa Şurası İnsan Hüquqları və Qanunun Aliliyi üzrə Baş Direktorluğunun rəhbəri Xristos Cakoumoulosun başçılıq etdiyi nümayəndə heyəti Ədliyyə Nazirliyində olub.

1news.az xəbər verir ki, Ədliyyə Nazirliyinin Mətbuat xidmətindən verilən məlumata görə, qonaqlarla görüşən ədliyyə naziri Fikrət Məmmədov Avropa Şurası ilə sıx əməkdaşlığı qeyd edərək ötən ay Strasburqa səfəri zamanı “Cinayət işləri üzrə qarşılıqlı hüquqi yardım haqqında” Avropa Konvensiyasının İkinci Əlavə Protokolunun imzalanmasını, Avropa Şurasının və İnsan Hüquqları üzrə Avropa Məhkəməsinin rəhbərliyi ilə məhsuldar görüşlərini xatırladıb.

Ötən il Avropa Şurasının Baş katibi ilə birgə təqdim olunmuş Azərbaycan üçün 2022-2025-ci illər üzrə Fəaliyyət Planının artıq icrasına başlanıldığını bildirən nazir Plan çərçivəsində ölkəmiz üçün mühüm əhəmiyyət kəsb edən Avropa Məhkəməsi qərarlarının icrası ilə bağlı layihənin həyata keçirildiyini vurğulayıb.

Ədliyyə və məhkəmə sahəsində səmərəli qarşılıqlı fəaliyyətdən məmnunluq ifadə olunub, nümayəndə heyətinin geniş tərkibdə nazirliyin rəhbərliyi və aidiyyəti məsul işçiləri ilə görüşündə məhkəmə-hüquq sistemində aparılan islahatlara və yeniliklərə dair ətraflı müzakirələr aparılıb.

Nazir müavini Azər Cəfərov dövlət başçısı İlham Əliyevin məhkəmə-hüquq islahatlarının dərinləşdirilməsi, cəza siyasətinin humanistləşdirilməsi ilə bağlı proqram xarakterli Fərman və Sərəncamının icrası üzrə görülən tədbirlərə toxunub, qanunvericiliyin təkmilləşdirilməsi, infrastrukturun müasirləşdirilməsi və elektron məhkəmənin tətbiqi, hakimlərin ən şəffaf seçimi barədə məlumat verib.

Avropa Şurasının ölkəmizlə səmərəli əməkdaşlıq etdiyini söyləyən X.Cakoumoulos Azərbaycan Prezidentinin məhkəmə-hüquq sistemi ilə bağlı qərarlarının bu sahədə fəaliyyətin təkmilləşdirilməsində əhəmiyyətini qeyd edib, Avropada maraq kəsb edən ədalət mühakiməsinin səmərəliliyinin artırılması ilə bağlı görülən tədbirləri və elektron məhkəmə sisteminin tətbiqini təqdir edib, Ədalət Mühakiməsinin Səmərəliliyi üzrə Avropa Komissiyasının işində ölkəmizin töhfəsini vurğulayıb.

Söhbət zamanı birgə Fəaliyyət Planına uyğun həyata keçirilən layihə üzrə tədbirlərə toxunulub, Avropa Məhkəməsinin qərarlarının icrasında irəliləyişlər qeyd olunub.

Azərbaycanın Vətən müharibəsində Böyük Qələbəsi ilə azad edilmiş torpaqlarımızın işğal dövründə, hətta müharibədən sonra Ermənistan tərəfindən büsbütün minalanmasının tamamilə dağıdılmış ərazilərimizin bərpasına və keçmiş məcburi köçkünlərin qayıdışına ciddi əngəl yaratdığı diqqətə çatdırılıb, bununla bağlı xüsusi broşür qonağa təqdim edilib.

Tədbirdə Azərbaycanın Avropa Şurası yanında daimi nümayəndəsi Fəxrəddin İsmayılov və Avropa Şurasının Bakı Ofisinin rəhbəri Petr Zix iştirak ediblər.

Qonaqlar nazirlikdə Ədliyyə tarixi muzeyi ilə tanış olublar.

Paylaş:
383

Son xəbərlər

Naxçıvan MR-də daha bir xidmət mərkəzi istifadəyə verilib - FOTOBu gün, 19:15Paytaxtın 8 Noyabr prospektinin bir hissəsində təmir işləri aparılacaqBu gün, 17:53Polad Bülbüloğlu deputatlığa namizədliyini irəli sürübBu gün, 17:51Azərbaycan Müdafiə Nazirliyindən XƏBƏRDARLIQ: Məsuliyyət Ermənistanın və havadarlarının üzərinə düşəcəkBu gün, 17:25Kamran Əliyev ŞƏT-in baş prokurorlarının konfransında iştirak edibBu gün, 16:55Bakı-Şamaxı-Yevlax avtomobil yolunda təmir işləri aparılacaqBu gün, 16:41Qaxda pivə zavodunda nöqsanlar aşkarlanıbBu gün, 16:22Tovuz istiqamətində kəşfiyyat uçuşuna cəhd göstərən Ermənistana məxsus PUA uzaqlaşdırıldıBu gün, 16:10“İnternetə qoşulma və internet infrastrukturu” işçi qrupunun iclası keçirilibBu gün, 15:51Dövlət hesabına xaricdə təhsil alacaq şəxslərin ilkin siyahısı təsdiqlənibBu gün, 15:21Ceyhun Bayramov əmək fəaliyyətinə yeni başlayan gənc diplomatlar ilə görüşübBu gün, 15:18Milli Qəhrəman Natiq Qasımovun anasına ev verilibBu gün, 14:56Əli Əsədov Türkiyə Konstitusiya Məhkəməsinin sədri ilə görüşübBu gün, 14:41“Hərbi Dəniz Qüvvələri” fakültəsinin kursantları ilə praktiki məşğələlər keçirilir - VİDEOBu gün, 14:11Ağadadaş Ağayevlə mühafizəçi haqda qərar verildiBu gün, 13:34“Silk Way Flavor Fest: Baku Edition” beynəlxalq aşpazlıq yarışı başa çatıbBu gün, 13:20İçərişəhərdə “Şirvanşahların səsi” konserti keçirildi - FOTOBu gün, 13:07Azərbaycanda mehmanxanaların gəlirləri artıb - RƏQƏMLƏRBu gün, 12:54Ölkənin bəzi yerlərində yağış yağacağı gözlənilir - ProqnozBu gün, 12:33Bakıda itkin düşən autizm xəstəsi olan yeddi yaşlı uşaq tapılıbBu gün, 12:25
Bütün xəbərlər