Paşinyandan etiraf: Müharibə zamanı bir sıra silahların istifadə hüquqi Ermənistanda deyildi
Müharibə zamanı bir sıra silahların istifadə hüququ tam olaraq Ermənistanın əlində deyildi.
1news.az Trend-ə istinadən xəbər verir ki, bunu Ermənistanın Baş naziri Nikol Paşinyan bu gün 44 günlük müharibənin şərtlərini araşdıran istintaq komissiyasının növbəti iclasında bildirib.
Baş nazir bu gün keçirilən iclasın qapalı hissəsində Ermənistan Silahlı Qüvvələrinin arsenalında olan həmin silahlar barədə ətraflı məlumat verəcəyini vəd edib. Bu silahların Rusiya istehsalı olan “İskəndər-M” əməliyyat-taktiki raket kompleksi olub-olmaması ilə bağlı suala Paşinyan cavab verib ki, görüşün qapalı hissəsində detallara toxunacaq.
Xatırladaq ki, 2020-ci ilin noyabrında Ermənistan Silahlı Qüvvələrinin Baş Qərargahının keçmiş rəisi Movses Akopyan müharibənin son günlərində “İsgəndər-M” sistemlərindən istifadə olunduğunu bəyan etməsi ilə diqqət mərkəzinə düşmüşdü.
