Brüsseldə ANAMA-BMTİP əməkdaşlığı müzakirə edilib - FOTO

Brüssel Diplomatiya Akademiyası (VUB) mina probleminə qarşı mübarizədə BMTİP, Avropa İttifaqı və Azərbaycan Respublikasının Minatəmizləmə Agentliyi (ANAMA) arasında məhsuldar əməkdaşlığı vurğulayan daha bir platforma oldu.

1news.az xəbər verir ki, tədbirdə iştirak edən BMT-nin İnkişaf Proqramının Azərbaycandakı Rezident Nümayəndəsinin müavini Slobodan Tadiç və ANAMA-nın İdarə Heyətinin sədri Vüqar Süleymanov ətraf mühitə təsirlər və cavab tədbirləri mövzusuna toxundu. ANAMA-nın İdarə Heyətinin sədr müavini Samir Poladov Azərbaycandakı qabaqcıl təcrübələri nümayiş etdirərək bu sahədə görülmüş işlərə dair təqdimatla çıxış etdi.

Azərbaycan Respublikası minalara qarşı mübarizə sahəsindəki əzmkarlığını davam etdirir. Beynəlxalq tərəfdaşlarla əməkdaşlığımız sayəsində BMTİP və ANAMA təhlükəsiz və inkişaf edən cəmiyyət naminə minalar və müharibənin partlayıcı qalıqları (ERW) ilə mübarizəyə sadiqdir. Azərbaycan və Belçika xarici siyasət idarələrinin nümayəndələrinin iştirakı ilə APOPO-nun Ağdamdakı minatəmizləmə fəaliyyətinə olan dəstəyinin yeni mərhələsinə start verildi.