Hizbullaha aid peycərlərin partladılmasının arxasında Mossadın var? - İDDİA
Hizbullahın istifadə etdiyi peycerlərin Mossad tərəfindən əvvəlcədən əldə olunaraq, onların batareyalarına partlayıcı yerləşdiməsi iddia olunub.
1news.az xəbər verir ki, bu iddia Sky News Arabia-nın xəbərlərində adı açıqlanmayan mənbəyə əsasən verilib.
Xəbərdə həmçinin MOSSAD-ın partlayıcı yerləşdirdikləri batareyaların istiliyini uzaqdan artıraraq cihazları işə saldığı iddia edilib.
Qətər mərkəzli Əl-Cəzirə televiziyasının Livan təhlükəsizlik orqanlarında olan mənbəsinə istinadən verdiyi məlumata görə, qurğulara yerləşdirilən partlayıcıların çəkisi 20 qramdan azdır və işə salınan qurğular 5 ay əvvəl alınıb..
Məsələ ilə bağlı İsraildən hələlik heç bir açıqlama verilməyib.
Qeyd edək ki, ötən gün Livanda Hizbullahın istifadə etdiyi peycerlərdə eyni vaxtda partlayışlar baş verib.
Açıqlanan məlumatlara görə hadisə nəticəsində 11 nəfər ölüb, 4000 nəfərə yaxın yaralı var. 400-dən çox yaralının isə vəziyyətinin ağır olduğu qeyd olunub.
