Azərbaycanda yeni nəsil kassa aparatları ilə dövriyyənin məbləği açıqlandı

2024-cü ilin yanvar-oktyabr ayları ərzində Azərbaycanda yeni nəsil nəzarət-kassa aparatları (NKA) vasitəsilə qeydə alınan dövriyyə 17 milyard 976 milyon manat olub ki, bu da 2023-cü ilin müvafiq dövrü ilə müqayisədə 1,9 milyard manatdan, yaxud 11 faizdən çoxdur.

Bu barədə 1news.az İqtisadiyyat Nazirliyi yanında Dövlət Vergi Xidmətinə istinadən xəbər verir.

Qeyd edilib ki, cari ilin noyabrın 1-nə qədər ölkə ərazisində 102.205 ədəd yeni nəsil NKA quraşdırılıb.