Türkiyədə avtobus qəzası: Ölən və yaralananlar var - FOTO
Türkiyənin İsparta şəhərinin Eğirdir rayonunda avtobus qəzası baş verib. .
1news.az Türkiyə KİV-lərinə istinadən xəbər verir ki, Aksel Seyahat şirkətinə məxsus 42 US 888 nömrə nişanlı sərnişin avtobusu, İsparta-Eğirdir avtomobil yolunun Miskinler hissəsində yoldan çıxaraq aşıb. Hadisə yerinə Təcili Yardım, polis və jandarma qrupları göndərilib.
Qəza zamanı bir nəfər həyatını itirib, 18 nəfər isə müxtəlif dərəcəli xəsarətlər alıb. Yaralılar təcili tibbi yardım briqadaları tərəfindən ətrafdakı xəstəxanalara çatdırılıb.
Hadisə yerinə gələn İsparta valisi Abdullah Erin jurnalistlərə məlumat verib. o, qəza nəticəsində bir nəfərin həyatını itirdiyini təsdiqləyib.
"Yaralılar dərhal xəstəxanalara göndərildi. Hazırda xəstəxanaya yerləşdirilən yaralılar arasında həyati təhlükəsi olan yoxdur. Bir vətəndaşımız daxili qanaxma şübhəsi ilə xəstəxanaya yerləşdirilib. Digər yaralıların vəziyyəti yaxşıdır," - deyə vali Erin bildirib.
