Almaniyada saatda 280 kilometr sürətlə gedən qatarın xaricindən tutan şəxs sağ qaldı

Almaniyada bir kişi sürəti saatda 280 kilometr sürətə çatan qatarın xaricindən tutaraq səyahət etsə də, xəsarət almadan xilas olub.

1news.az xarici KİV-lərə istinadən xəbər verir ki, 40 yaşlıMaracıstan vətəndaşı olan kişi Bavariyada platformada siqaret çəkərkən qatarın qapıları bağlanıb və o, iki vaqon arasındakı birləşmə hissəsinə atlayıb.

Şahidlər bu vəziyyəti görərək məsul şəxslərə xəbər verdikdən sonra qatar nəzarətli şəkildə dayandırılıb. Kişi 32 kilometr ərzində kabellərə tutunaraq səyahət edib.

Adı açıqlanmayan şəxs polisə verdiyi ifadəsində təhlükəli olduğunu bilməsinə baxmayaraq baqajını Münhendən Lyubekə gedən qatarda qoymamaq üçün bu hərəkəti etdiyini bildirib.

Bileti olmadığı müəyyən edilən şəxs polis tərəfindən həbs edilib.