Aİ rəsmisi: Azərbaycan kimi dostlarımız sayəsində Rusiya qazından asılığı azaltmaq istəyrik”
“Hazırda Avropada biz Rusiya qazından tamamilə asılılığımızı aradan qaldırmaq istəyirik”.
1news.az xəbər verir ki, bunu Bakıda keçirilən Cənub Qaz Dəhlizi Məşvərət Şurası nazirlərinin 11-ci iclası və Yaşıl Enerji Məşvərət Şurası nazirlərinin 3-cü iclasının nəticələrinə həsr olunmuş mətbuat konfransı zamanı Avropa Komissiyasının enerji məsələləri üzrə komissarı Dan Yorgensen bildirib.
“ Rusiya tərəfindən Ukraynaya qarşı edilən hücumdan sonra Rusiya qazının idxalını dayandırmağa çalışırıq. Bundan əvvəl qazımızın 45 faizini Rusiyadan alırdıq, lakin bu rəqəmi 13 faizə endirmişik.
Biz bu göstəricini tamamilə sıfıra endirmək niyyətindəyik. Bu, yalnız Azərbaycan kimi yaxşı dostlarımızın köməyi ilə mümkün olub və olacaq. Azərbaycanla tərəfdaşlığı davam etdirmək və mümkün olarsa, daha da genişləndirmək istəyirik. Avropa İttifaqını təmsil edərək, qaz sahəsində sıx əməkdaşlıq imkanına görə minnətdarlığımı ifadə etmək istəyirəm. İnanırıq ki, bu əməkdaşlıq qarşılıqlı fayda gətirir” - Dan Yorgensen əlavə edib.
