Masallıda 7 kiloqrama yaxın narkotik vasitə aşkarlanıb

Masallı rayonunda keçirilən əməliyyat zamanı 7 kiloqrama yaxın narkotik vasitə aşkarlanıb.

1news.az xəbər verir ki, bu barədə Daxili İşlər Nazirliyindən məlumat verilib.

Bildirilib ki, polis əməkdaşlarının həyata keçirdikləri əməliyyat tədbirləri nəticəsində E.Mirzəyev saxlanılıb. Onun üzərindən 7 kiloqrama yaxın narkotik vasitə aşkarlanıb.

Faktla bağlı cinayət işi başlanılıb, saxlanılan şəxs barəsində həbs qətimkan tədbiri seçilib.

Hazırda araşdırma davam etdirilir.