1news.az

Azərbaycan klublarının Avropa Liqasında rəqibləri müəyyənləşdi

10 Avqust saat 16:04 ~ 1 dəqiqəlik oxu 3810
Azərbaycan klublarının Avropa Liqasında rəqibləri müəyyənləşdi

Avropa Liqasında mübarizə aparacaq Azərbaycan klublarının I təsnifat mərhələsindəki rəqibləri müəyyənləşib.

1news.az apasport.az-a istinadla bildirir ki, qitənin ikinci dərəcəli klub turnirinə qatılacaq "Neftçi", "Keşlə" və "Sumqayıt" yeni mövsümdəki ilk rəqibi bəlli olub.

Bu, İsveçrənin Nyon şəhərindəki püşkatmada gerçəkləşib. 

Azərbaycan Premyer Liqasının gümüş mükafatçısı "Neftçi" Şimali Makedoniyanın "Şkupi" klubu ilə üz-üzə gələcək. Təmsilçimiz bir oyundan ibarət mərhələnin görüşünü Bakıda keçirəcək.

Çempionatın bürünc mükafatçısı "Keşlə"yə Albaniyanın "Laçi" klubu rəqib olub. Bakılılar qarşılaşmaya paytaxtda çıxacaq.

Avrokubokların debütantı "Sumqayıt"ın bəxtinə Şimali Makedoniyanın "Şkendiya" klubu düşüb. "Gənclik şəhəri" təmsilçisi debüt matçını evdə keçirəcək.

Qeyd edək ki, I təsnifat mərhələsinin qarşılaşmaları avqustun 27-də keçiriləcək.

1news.az

OXUCULARIN SEÇİMİ
REDAKSİYANIN SEÇİMİ
Futbol BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net