1news.az

Bakı Bulvarında sevgi dramının yeni TƏFƏRRÜATLARI

25 Fevral saat 14:35 ~ 1 dəqiqəlik oxu 17760
Bakı Bulvarında sevgi dramının yeni TƏFƏRRÜATLARI

Özünü dənizə ataraq intihar edən Nəzakət Rzazadə təhsil üzrə ekspert Elçin Əfəndinin tələbəsi olub.

Bunu təhsil eksperti sosial şəbəkə hesabında paylaşaraq bildirib.

“Çox pisəm. Dəhşət pisəm. 2017-ci ildə Nəzakət Rzazadə adlı tələbəm 667 balla Tibb Universitetinə qəbul olmuşdu. O balı toplaması üçün əlimdən gələni etdim onun üçün. İndi xəbər gəldi ki, özünü Xəzərə atıb və hal-hazırda meyiti tapılmır. İndicə atası ilə danışdım. Tapmırlar. Dəhşətdir”.

big.az

11.36

Bu gün səhər saatlarında Bakı Bulvarında dəhşətli hadisə baş verib.

Dənizkənarı Milli Park ərazisində Sabirabad rayon sakini 1998-ci il təvəllüdlü Rzazadə Nəzakət Muğdət qızı və 1995-ci ildə anadan olmuş Məmmədov Babahüseyn Zöhrab oğlu özünü dənizə atıb.

25 yaşlı oğlanı sudan çıxararaq xilas etmək mümkün olsa da, gənc qız boğularaq ölüb. Hazırda onun meyitinin tapılması istiqamətində axtarış tədbirləri həyata keçirilir.

İlkin araşdırmalar zamanı məlum olub ki, bir-birini sevən gənclər ailələrinin razılığa gəlməməsi səbəbindən evlənə bilməyiblər.

Bundan sonra onlar Bakıya gələrək görüşüblər və Bulvar ərazisində olarkən əvvəlcə N.Rzazadə, daha sonra isə B.Məmmədov özünü dənizə atıb.

publika.az

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net