1news.az

Baş katib könüllülərin Yay Düşərgəsində - FOTO

12 Sentyabr saat 17:02 ~ 1 dəqiqəlik oxu 138
Baş katib könüllülərin Yay Düşərgəsində - FOTO

Xəbər verildiyi kimi, sentyabrın 11-dən etibarən Şamaxı Olimpiya Mərkəzində AFFA tərəfindən təşkil olunan UEFA Avro-2020-nin Könüllülük proqramı çərçivəsində Yay Düşərgəsi start götürüb.

1news.az-ın məlumatına görə, Düşərgədə Avro-2020 könüllülük proqramı üçün qeydiyyatdan keçən, eyni zamanda, UEFA Avropa Liqasının Bakıda keçirilmiş final oyununda çalışmış və finalın müsahibə mərhələsində daha yüksək qiymətləndirmə alan 200 könüllü iştirak edir.

Düşərgədə könüllülərə Avro-2020 haqqında məlumatlar verilir, müxtəlif şöbələr tərəfindən təlimlər təşkil olunur, eyni zamanda xüsusi qonaqlarla görüş və seminarlar həyata keçirilir.

AFFA-nın baş katibi, Avro-2020 işçi qrupunun meneceri Elxan Məmmədov bu gün düşərgəyə baş çəkən qonaqlar arasında olub. O, könüllülərlə birgə komanda quruculuq tədbirlərində iştirak edib, eləcə də idarəetmə qabiliyyətinin iş və şəxsi həyatda tətbiqi barədə onlarla fikir mübadiləsi aparıb. Könüllülərlə diskusiyya zamanı şəbəkə oyunu təşkil olunub, oyunun sonunda yaranmış torun altında şəkil çəkdirilib.

Düşərgənin təşkil olunmasında məqsəd könüllülər arasında ünsiyyətin möhkəmləndirilməsi, onların asudə vaxtlarının səmərəli təşkili, əldə olunan uğurlar və gələcək tədbirlərin əhəmiyyəti barəsində dialoqların aparılmasıdır. Düşərgə sentyabrın 13-ə qədər davam edəcək.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net