1news.az

““Milli Şura”nın istəyi Azərbaycanın zəifləməsi və inkişafdan geri qalmasıdır” - VİDEO

5 Avqust saat 16:06 ~ 2 dəqiqəlik oxu 6470
““Milli Şura”nın istəyi Azərbaycanın zəifləməsi və inkişafdan geri qalmasıdır” - VİDEO

Özünü demokratik qüvvələrin Milli Şurası adlandıran qurumun növbəti videokonfransının videosu yayılıb.

Bundan əvvəlki videonfranslarda olduğu kimi, bu dəfəki konfrans da qeybət formatında davam edib. Belə ki, onlar bu dəfəki “iclaslarında” Azərbaycanda karantin rejimin uzadılmasının özləri üçün faydalı olmasından danışıblar. Onlar bütün vəziyyətdən istifadə etdikləri kimi, bu pandemiyadan da öz məqsədləri üçün istifadə edilər. Dəstəkçiləri azalan Milli Şura üzvləri bu dəfə ümidlərini tanınmış adamlara bağlayaraq onlardan xahiş edirlər ki, Azərbaycan hakimiyyəti əleyhinə statuslar yazsınlar.

Məsələ ilə bağlı 1news.az-a danışan Milli Məclisin deputatı Naqif Həmzəyev deyib ki, dar məqamda bizi istəməyən qüvvələr Azərbaycan əleyhinə fikirlər səsləndirirlər. Pandemiya başlayandan bu günə qədər də dəfələrlə videokonfrans keçirən “Milli Şura” müxtəlif proseslərə reaksiya verərkən Azərbaycanın zəifləməsini və inkişafdan geri qalmasını istədiklərini bəyan edirlər:

“Onların hər videokonfransında nə qədər cılız düşüncəyə sahib olduqlarının şahidi oluruq. Dünya bazarlarında neftin qiyməti ucuzlaşanda onlar sevinirdilər. İndi də pandemiya ilə əlaqədar xüsusi karantin rejiminin uzadılmasını sevinclə qarşılayırlar. Onlar düşünürlər ki, belə olduğu təqdirdə sanki onların xeyirinə nələrsə dəyişəcək. Ancaq onlar unudurlar ki, Azərbaycan hökuməti və dövləti pandemiya başlayan gündən xalqın sağlığını düşünərək, bütün gücünü səfərbər edib”.

Sosial layihələrin icrasının davam etdirildiyini deyən deputat bildirib ki, xəstəxanaların açılışı həyata keçirilir, vətəndaşlarımızın sağlığı üçün lazımi addımlar atılır.

“Karantin rejimin uzadılmasında ancaq bir məqsəd var, vətəndaşların sağlamlığını qorumaq. Düşünürəm ki, vətəndaşlarımız karantin qaydalarına bu günə kimi riayət etdikləri kimi yenə də qaydalara əməl edəcəklər və müsbət dinamika davam edəcək. Düşünürəm ki, avqustun 31-dən sonra bu uzadılma baş verməyəcək, bizi istəməyən qüvvələrin də sevinməsinə heç bir ehtiyac qalmayacaq. Xalq bu anda həmrəylik göstərdiyi kimi, bizi istəməyən qüvvələr də səhvlərini anlamalıdırlar. Onlar istəyirlər ki, ölkəmiz pis vəziyyətə qalsın, amma onların istəkləri ürəklərində qalacaq. Çünki Azərbaycan dövləri çox güclü dövlətdir. Bizim gücümüz çatır ki, istənilən ağır şəraitdə xalqımızı, dövlətimizi qoruyaq, necə ki, bu günə kimi bu edilib, bundan sonra da ediləcək”.

Aşağıdakı videoda adlarını "Milli Şura" qoyanların nəfəri müzakirə etdiyinə baxa bilərsiniz

Qafar Ağayev

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net