1news.az

Komitə sədri: Azərbaycanda bələdiyyələrə dotasiyalar fərqli şəkildə veriləcək

11 Oktyabr saat 15:28 ~ 1 dəqiqəlik oxu 69
Komitə sədri: Azərbaycanda bələdiyyələrə dotasiyalar fərqli şəkildə veriləcək

Bu gün yaxşı fəaliyyət göstərən, eləcə də zəif, büdcəsi az olan bələdiyyələr var.

1news.az-ın Trend-ə istinadən verdiyi xəbərə görə, bunu Milli Məclisin Regional məsələlər komitəsinin sədri Arif Rəhimzadə dairə seçki komissiyalarının sədrləri üçün keçirilən müşavirədə deyib.

Onun sözlərinə görə, bələdiyyələrin hüquqi bazası, demək olar ki, tamamlanıb: "Zamanın tələbi ilə müəyyən düzəlişlər edilir. Bələdiyyələrin fəaliyyətlərini tam qura bilməsi üçün onların maliyyə imkanları olmalıdır. Dövlət büdcəsindən onlara dotasiya və subvensiya da ayrılır. Ancaq baxaq görək bələdiyyələr tərəfindən vergilər tam yığılırmı? Xeyr! Çünki bələdiyyələr öz torpaq ərazilərinin sərhədlərini tam müəyyən edə bilmirlər. Bələdiyyənin yaxşı işləyə bilməsi üçün onlarla insanlar arasında bağlantı olmalıdır, bu məsuliyyəti hər birimiz hiss etməliyik".

Komitə sədri, həmçinin qeyd edib ki, Azərbaycanda bələdiyyələrə dotasiyalar fərqli şəkildə veriləcək:

"İlk növbədə o bələdiyyələrə dotasiya veriləcək ki, onların imkanları məhduddur. Hazırda bununla bağlı Milli Məclis və Prezident Administrasiyası tərəfindən birgə iş aparılır".

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net