1news.az

“MFL Carlsberg Biznes Liqası”nın III turu: “Soliton LTD” liderliyini qorudu, “Go Sport”dan növbəti qələbə – FOTO – VİDEO

28 Yanvar saat 17:00 ~ 2 dəqiqəlik oxu 535
“MFL Carlsberg Biznes Liqası”nın III turu: “Soliton LTD” liderliyini qorudu, “Go Sport”dan növbəti qələbə – FOTO – VİDEO

Azərbaycanın futbol üzrə ən böyük həvəskarlar liqası olan MFL tərəfindən ölkəmizdə fəaliyyət göstərən şirkətlər arasında keçirilən “MFL Carlsberg Biznes Liqası”nın 3-cü turunun oyunları keçirilib.

1news.az-ın verdiyi xəbərə görə, həm A, həm də B qruplarında çıxış edən komandalar arasında “MFL Arena”nın meydanlarında keçirilən görüşlərin əksəriyyəti gərgin mübarizə şəraitində keçib.

Qeyd edək ki, ilk turda A qrupunun və bütünlüklə ilk turun ən qollu qarşılaşması “Universal” və “Aztelekom” komandaları arasında keçirilən görüşdə qeydə alınıb – 9 qol. Rəqibinə 6:3 hesabı ilə qalib gələn “Universal” ikinci dəfə meydanı 3 xalla tərk edib. Hazırda onu lider “Soliton LTD”dən iki xal ayırır.

“Expressbank” – “White Smile Dental Clinic” oyunu da kifayət qədər məhsuldar alınıb. Hərəyə üç dəfə fərqlənən komandalar meydandan sülhlə ayrılıblar.

B qrupunun liderlər növbəti qələbələrini qazanıblar. “Azersun”la SOCAR üçüncü oyunda üçüncü qələbəni bayram ediblər.

“PolatYol” əvvəlki turlarda aldığı iki məğlubiyyətdən sonra nəhayət ki, ilk qələbəsini qazanıb, həm də darmadağınla.

Turun ən yaddaqalan məqamlarını və qısa icmalını təqdim edirik:

 

Qeyd edək ki, ölkəmizdə fəaliyyət göstərən şirkətlər arasında keçirilən “MFL Carlsberg Biznes Liqası”nın eksklüziv tərəfdaşı “Carlsberg” şirkətinin ölkəmizdəki təmsilçisi “Carlsberg Azerbaijan” şirkətidir. Turnirin təşkilati dəstəyi isə AFFA tərəfindən təmin edilir.

Öz qruplarında ilk 4 yeri tutan komandalar play-off oyunlarına vəsiqə qazanacaqlar. Burada isə komandalar 1/4 final və yarımfinalda qüvvələrini sınayacaqlar. Sona qalan iki komanda turnirin qalibi adı uğrunda həlledici final oyununa çıxacaq.

Turnirin qalibi adını qazanan komanda Türkiyə kubokunun final oyununu pulsuz izləmək imkanı əldə edəcək. Komandanın səfər, nəqliyyat və otel xərcləri “Carlsberg Azerbaijan” şirkəti tərəfindən qarşılanacaq.

Daha ətraflı məlumatı liqanın mfl.az, eləcə də 1news İnformasiya Agentliyinin 1news.az saytlarından əldə edə bilərsiniz.

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net