1news.az

Millətlər Liqası: Azərbaycan Maltaya qarşı

10 Sentyabr saat 17:15 ~ 2 dəqiqəlik oxu 282
Millətlər Liqası: Azərbaycan Maltaya qarşı

Bu gün Azərbaycan Futbol üzrə UEFA Millətlər Liqasında ikinci oyununu keçirəcək.

1news.az-ın məlumatına görə, millimiz qrup mərhələsi çərçivəsində səfərdə Malta ilə qarşılaşacaq. Bakı vaxtı ilə saat 22:45-də başlayacaq oyunu monteneqrolu hakimlər briqadası idarə edəcək.

Xatırladaq ki, qrup mərhələsinin ilk oyununda millimiz Bakıda Kosovo yığmasını qəbul edib. Olimpiya Stadionunda keçirilən qarşılaşmada hesab açılmayıb.

Hazırda Farer adaları 3 xalla qrupda birinci pillədə qərarlaşıb. Azərbaycan və Kosovo 1 xalla ikinci-üçüncü, xalı olmayan Malta isə sonuncu pillədədir.

Məlumat üçün bildirək ki, UEFA Millətlər Liqası — UEFA-ya üzv olan federasiyaların kişi milli futbol komandaları arasında keçirilən futbol turniridir. Liqanın format və matç reqlamenti 4 dekabr 2014-cü il tarixində təsdiqlənib.

Buna görə 55 komanda 2017-ci il UEFA milli komandalar sıralamasına görə dörd diviziyaya ayrılıb. A diviziyasında 12, B diviziyasında 12, C diviziyasında 15 və D diviziyasında 16 komanda var.

Hər diviziya öz içində üç-üç və ya dörd-dörd komandalardan ibarət 4 qrupa ayrılır. Hər qrupda komandalar dairəvi sistem üsulu ilə 4 və ya 6 oyun oynayacaq. Oyunlar hər matç həftəsində 2 oyun olmaqla 2018-ci ilin sentyabr, noyabr tarixlərində oynanacaq.

Ən yuxarı diviziya olan A diviziyasının qrup birinciləri 2019-cu il 5-9 iyul tarixlərində UEFA Millətlər Liqası çempionu olmaq üçün final mərhələsində qarşılaşacaq. Final mərhələsi püşkdən sonra bəlli olacaq və 2 yarı final oyunu və son final matçından ibarət olacaq.

Ev sahibi ölkə 4 yarı finalist komanda arasından 2018-ci ilin dekabr ayında müəyyənləşdiriləcək.

Bu turnirin maraqlı tərəflərindən biri də komandaların alt diviziyaya düşmə və üst diviziyaya qalxa bilməsidir. B, C, D diviziyasının komandaları bir üst diviziyaya yüksələ bilər. A, B, C diviziyasının komandaları isə bir alt diviziyaya enə bilər.

Qruplardakı komanda sayının fərqliliyinə görə C diviziyasının ən pis mübarizə aparan qrup üçüncüsü də D diviziyasına enəcək.

AVRO-2020-nin seçmə mərhələsinin püşkatması zamanı yığmaların səbətlərə bölünməsi məhz Millətlər Liqasının nəticələrinə görə gerçəkləşəcək.

Bundan başqa, hər liqadan 1 komanda AVRO-2020-nin final mərhələsinə yüksələcək. Seçmə mərhələdə vəsiqə qazanmayanlar arasında öz qrupunda ən yaxşı olanlar 2020-ci ilin martında pley-offa xoşbəxtlər sırasına düşmək üçün döyüşəcək.

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net