1news.az

Sürətlə yayılan nadir xəstəliyin sirri ortaya çıxdı

22 Yanvar saat 15:24 ~ 1 dəqiqəlik oxu 463
Sürətlə yayılan nadir xəstəliyin sirri ortaya çıxdı

Çində sürətlə yayılan və sətəlcəmə bənzədilən xəstəliyin sirri ortaya çıxıb.

1news.az-ın Publika.az-a istinadən verdiyi xəbərə görə, koronavirusun insandan insana keçdiyi təsdiqlənib.

Çin mediasında yer alan xəbərlərə görə, Milli Səhiyyə Komissiyası tərəfindən epidemiyanı araşdıran mütəxəssis komandasının rəhbəri Zonq Naşan Quanqdonq əyalətindəki 2 nəfərə virusun ailə üzvlərinin birindən keçdiyinin təsbit edildiyini açıqlayıb.

"Gündəlik Çin" (China Daily) qəzetində virusun tapıldığı xəstələrə qulluq edən bəzi tibb işçilərinin də virusa yoluxduğu xəbəri yer alıb.

Çin Mərkəzi Televiziyasının xəbərinə görə, Prezident Si Cinpin virusun qarşısının alınması üçün təşəbbüs göstərilməsinə dair təlimatlar verib. Prezident partiya komitələri, hökumət və aidiyyəti departamentlərin insanların həyatına və sağlamlığına əhəmiyyət verməsini istəyib.

"Sinxua" agentliyi Çində bu günə qədər sirli virusa 224 nəfərin yoluxduğunu, bunlardan 217-in təsdiq edildiyini yazıb.

Qeyd edək ki, virusa yoluxan 3 nəfər dünyasını dəyişib.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net