1news.az

YouTube-da ən çox baxılan mahnılar açıqlanıb

25 İyul saat 16:40 ~ 1 dəqiqəlik oxu 419
YouTube-da ən çox baxılan mahnılar açıqlanıb

Əfsanəvi "Queen" rok-qrupunun "Bohemian Rhapsody" mahnısı YouTube kanalında köhnə kliplər arasında rekord vurub.

1news.az-ın AZƏRTAC-a istinadən verdiyi xəbərə görə, mahnıya çəkilmiş video-klipi 1990-cı illərədək bəstələnən mahnılar arasında ilk dəfə 1 milyarddan çox tamaşaçı izləyib. Bunu qeyd etmək üçün həmin videonun HD versiyası "YouTube Music, Universal Music Group & Hollywood Records" şirkətinin əməkdaşlığı ilə YouTube platformasına yüklənib. Köhnə mahnılar arasında "Queen" qrupundan sonra ikinci yeri 965 milyon baxış sayı ilə "Guns N' Roses" ansamblının "Sweet Child O' Mine" mahnısı tutur.

YouTube kanalında yeni mahnıları arasında ən çox baxılan isə Luis Fonsi və Daddy Yankinin 2017-ci ildə təqdim etdikləri "Despacito" mahnısıdır. Bu video-klipə rekord sayda - 6,3 milyard baxış olub. İngilis musiqiçisi Ed Şeranın "Shape of You" mahnısı isə 4,3 milyard baxış sayı ilə ikinci yerdə gəlir. Sonrakı yerləri Castin Biberin "Sorry" və "Baby Shark Dance" mahnıları tuturlar.

1news.az

OXUCULARIN SEÇİMİ
REDAKSİYANIN SEÇİMİ
Şou-biznes BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net