LSS MFL 2019/20 Liqasının XXV turu: “Squadra”dan qol yağışı, “Beerbaşa”dan darmadağın – FOTO – VİDEO
Azərbaycanın futbol üzrə ən böyük həvəskarlar liqası olan LSS MFL 2019/20-də 25-ci turun oyunları keçirilib.
1news.az-ın verdiyi xəbərə görə, həm İnfinity, həm də Platinum konferensiyalarında çıxış edən komandalar arasında “MFL Arena”nın meydanlarında keçirilən görüşlər hər zamankı kimi gərgin mübarizə şəraitində keçib.
Qeyd edək ki, 25-ci turda İnfinity konferensiyasının ən qollu qarşılaşması lider “Squadra” ilə “Veteran” komandalarının görüşündə qeydə alınıb – 14 qol. İkincilər “Squadra”nın 13 qoluna yalnız təsəlli qolu ilə cavab verə biliblər. Bu matç həm də “Dünya karatesinin brilyantı” Rafael Ağayevin “Squadra”nın heyətində debüt etməsi ilə əlmaətdar olub. İlk oyununda iki qol vurmaqla və bir məhsuldar ötürmə etməklə komandasının rəqib üzərində böyük hesablı qələbəsində böyük pay sahibi olan Rafael tək tatamidə deyil, futbol meydanında da istedadlı olduğunu nümayiş etdirdi.
“Baku Juniors” – “Galaxy” oyunu isə gərgin və maraqlı mübarizə şəraitində keçdi. Sonda 3:2 hesabı ilə rəqibinə qalib gələn “Galaxy” komandası qələbəni bayram etdi.
Turun mərkəzi görüşü isə çempionluq uğrunda mübarizə aparan komandalar – “BOS Shelf”lə “Universal” komandaları arasında oldu. Rəqibinə 6:2 hesabı ilə qalib gələn “Universal” bu qələbə sayəsində turnir cədvəlində də rəqibini qabaqlamış oldu.
25-cü turda Platinum konferensiyasında da liderlər qalib gəldilər. Lider “Beerbaşa” “Keşlə İMSİ”nin qapısından 8 cavabsız top keçirdi.
“Muğanbank” “Maisan”la qarşılaşmadan 9:5 hesablı qələbəylə ayrıldı, “Lokomotiv Baku” isə 7:5 hesabı ilə “Patriot”u məğlub etdi.
“Peçat Dönər” də turu qələbə ilə başa vurdu. “Dönərçilərin” 6 qoluna rəqib “Gres Severnıy” təsəlli qolu ilə cavab verə bildi.
25-ci turun ən yaddaqalan məqamlarını və qısa icmalını təqdim edirik:
Geridə qalan 25 turdan sonra MFL 2019/2020-ci il mövsümünün İnfinity konferensiyasında ilk 8-lik belədir:
Turnir cədvəlinin tamamına burada baxa bilərsiniz.
Geridə qalan 25 turdan sonra MFL 2019/2020-ci il mövsümünün Platinum konferensiyasında ilk 8-lik belədir:
Turnir cədvəlinin tamamına burada baxa bilərsiniz.
LSS MFL 2019/20 Liqası – Leading Supply Solutions LLC, BOS SHELF LLC, McDonald's Azerbaijan, Muğanbank, Sabah Futbol Klubu, Carlsberg Azerbaijan və GoSport Baku-nun sponsorluğu ilə keçirilir.
Daha ətraflı məlumatı liqanın mfl.az, eləcə də 1news İnformasiya Agentliyinin 1news.az saytlarından əldə edə bilərsiniz.
1news.az
