ru

Futbol

17 Fevral saat 17:48

“MFL Carlsberg Biznes Liqası”nın VI turu: “Universal”dan çətin qələbə, “Azersun” liderliyini qorudu – FOTO – VİDEO

“MFL Carlsberg Biznes Liqası”nın VI turu: “Universal”dan çətin qələbə, “Azersun” liderliyini qorudu – FOTO – VİDEO

Azərbaycanın futbol üzrə ən böyük həvəskarlar liqası olan MFL tərəfindən ölkəmizdə fəaliyyət göstərən şirkətlər arasında keçirilən “MFL Carlsberg Biznes Liqası”nın 6-cı turunun oyunları keçirilib.

1news.az-ın verdiyi xəbərə görə, həm A, həm də B qruplarında çıxış edən komandalar arasında “MFL Arena”nın meydanlarında keçirilən görüşlərin əksəriyyəti gərgin mübarizə şəraitində keçib.

Qeyd edək ki, 6-cı turda lider “Binə Aqro” METAK üzərində 3:1 hesablı qələbə qazanaraq ilk pillədəki yerini qoruyub. Onu daban-dabana izləyən “Gilan Tekstil Park”la “Universal” komandaları da növbəti qələbələrini qazanıblar.

“Soliton LTD” isə “White Smile Dental Clinic” komandasının qapısından beş cavabsız top keçirərək turnir cədvəlində rəqibinin önünə keçib.

B qrupunun liderlər növbəti qələbələrini qazanıblar. “Azersun” “Zeytun Pharmaceuticals”a, SOCAR “Carlsberg”ə, “Veysəloğlu” isə “İSR Holding”ə qalib gəlib.

B qrupunun və ümumilikdə turun heç-heçə bitən yeganə qarşılaşması “AVT Logistics” – “Holcim FK” oyunu olub. Tərəflər hərəyə bir dəfə fərqlənərək meydanı bir xalla tərk ediblər.

Turun ən yaddaqalan məqamlarını və qısa icmalını təqdim edirik:

A qrupunun turnir cədvəlini təqdim edirik.

B qrupunun turnir cədvəlini təqdim edirik.

Qeyd edək ki, ölkəmizdə fəaliyyət göstərən şirkətlər arasında keçirilən “MFL Carlsberg Biznes Liqası”nın eksklüziv tərəfdaşı “Carlsberg” şirkətinin ölkəmizdəki təmsilçisi “Carlsberg Azerbaijan” şirkətidir. Turnirin təşkilati dəstəyi isə AFFA tərəfindən təmin edilir.

Öz qruplarında ilk 4 yeri tutan komandalar play-off oyunlarına vəsiqə qazanacaqlar. Burada isə komandalar 1/4 final və yarımfinalda qüvvələrini sınayacaqlar. Sona qalan iki komanda turnirin qalibi adı uğrunda həlledici final oyununa çıxacaq.

Turnirin qalibi adını qazanan komanda Türkiyə kubokunun final oyununu pulsuz izləmək imkanı əldə edəcək. Komandanın səfər, nəqliyyat və otel xərcləri “Carlsberg Azerbaijan” şirkəti tərəfindən qarşılanacaq.

Daha ətraflı məlumatı liqanın mfl.az, eləcə də 1news İnformasiya Agentliyinin 1news.az saytlarından əldə edə bilərsiniz.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News", İnformasiya Agentliyi
Bütün hüquqlar qorunur