Türkiyənin sabiq prezidenti Azərbaycan Prezidentinə başsağlığı verdi
Türkiyənin 11-ci prezidenti Abdullah Gül Azərbaycanın Prezidenti İlham Əliyevə şiddətli fırtına səbəbindən “Günəşli” yatağının 10 saylı platformasında baş verən faciə ilə baş sağlığı verib.
1news.az-ın Azərbaycan Prezidentinin rəsmi saytına istinadən verdiyi məlumata əsasən, başsağlığı məktubunda deyilir:
“Hörmətli Prezident, əziz qardaşım,
Dekabrın 4-də Azərbaycanda şiddətli fırtına səbəbindən “Günəşli” yatağındakı 10 saylı platformada yanğın nəticəsində 6 işçinin həlak olması və 23 nəfərin itkin düşməsi xəbəri məni dərindən kədərləndirdi.
Əziz qardaşım, Sizə, həlak olanların ailələrinə və yaxınlarına, qardaş Azərbaycan xalqına başsağlığı verir, xəsarət alanlara şəfa diləyirəm”.
660
