Bakıda ağır qəza: ölən və yaralananlar var

Bakıda bir nəfərin ölümü, üç nəfərin isə yaralanması ilə nəticələnən yol-nəqliyyat hadisəsi baş verib.

1news.az-ın Daxili İşlər Nazirliyinin mətbuat xidmətinə istinadən verdiyi xəbərə görə, hadisə dünən saat 04:00 radələrində Nəsimi rayonunun S.Vurğun küçəsində qeydə alınıb.

Belə ki, Bakı şəhər sakinləri Ülvi Məmmədlinin idarə etdiyi “VAZ-2107” və Ayxan Nəsirovun idarə etdiyi “AzSamand” markalı avtomobillər toqquşub.

Hər iki sürücü və Ü.Məmmədlinin sərnişini, habelə A.Nəsirovun sərnişini Bəylər İsmayılov xəstəxanaya yerləşdirilib.

Həkimlərin səyinə baxmayaraq B.İsmayılov orada dünyasını dəyişib.

Faktla bağlı Nəsimi Rayon Polis İdarəsi tərəfindən araşdırma aparılır.

1news.az