Rasim Musabəyov: “ATƏT-in Minsk Qrupunun həmsədrləri danışıqlara təkan vermək gücünə malik deyillər”
Berndə Minsk Qrupunun (QR) həmsədrlərinin iştirakı ilə Azərbaycan və Ermənistan prezidentlərinin görüşü keçirilib.
Minsk Qrupu həmsədrlərinin görüşün nəticələrinin yekunu olaraq verdiyi qısa bəyanatı nəzərə almasaq, bütün analitiklərin gözlədiyi kimi, danışıqlar heç bir konkret nəticələr vermədi.
Bəyanatda deyilir ki, prezidentlər vasitəçilərin təmas xəttində zorakılıq səviyyəsinin aşağı düşməsilə bağlı cari işini dəstəkləyiblər. Eyni zamanda qarşılıq və öhdəliyin davamı ilə bağlı Minsk Qrupu formatınahazırlıqlarını təsdiq ediblər. Buna görə prezidentlərin görüşünün keçirilməsinə təkid etməyə dəyərmi?
Xatırladım ki, prezidentlərin ötən dəfəki görüşü bir il bundan öncə Fransa prezidenti Fransua Ollandın iştirakı ilə 2014-cü ilin oktyabrın 27-də Parisdə keçirilmişdi. Görünür, prezidentlərin dialoqları arasında həddindən artıq fasilə yaranması Minsk vasitəçi formatında uğursuzluq hissi yaradıb. Məhz buna görə də, MQ həmsədrləri hətta konkret nəticələr əldə etməyə ümid bağlamadan prezidentlərin görüşünün keçirilməsini təkid ediblər.
Azərbaycan və Ermənistan prezidentlərinin MQ-nin görüşü barədə təklifi təxirə salması çətin olardı, belə ki, imtina edən tərəf qeyri-konstruktiv kimi nümayiş olunardı. Bu görüşsüz də aydın idi ki, münaqişə edən tərəflər danışıqlarla bağlı gözləntilərində tamamilə fərqlənirlər.
Öz ölkələrində sadəcə orta səviyyəli diplomat olan ATƏT-in Minsk Qrupunun həmsədrləri danışıqlar apardıqları ölkələrə müstəqil olaraq təkan verərək, onları çıxılmaz vəziyyətdən çıxarmaq gücünə malik deyillər.
Kim bu missiyanı öz üzərinə götürəcək? Yoxsa hər kəs təmas xəttində gün-gündən böyüyən gərginliyin hərbi əməliyyatla nəticələnəcəyilə barışıb? Beynəlxalq ictimaiyyət bundan sonra həlledici addımlar atacaq?
