Keçən il sənaye mülkiyyəti obyektləri üzrə ixtiralara dair 81 patent verilib
2015-ci ildə sənaye mülkiyyəti obyektləri üzrə ixtiralara dair 81 patent verilib, onlardan 79 ədədi milli, 2 ədədi isə xarici fiziki və hüquqi şəxslərə məxsus olub.
Bu barədə 1news.az-a məlumatı Standartlaşdırma, Metrologiya və Patent üzrə Dövlət Komitəsinin mətbuat xidmətindən veriblər.
Məlumata görə, faydalı modelə dair 12 patent qeydiyyata alınıb ki, onlardan da 9 ədədi milli və 3 ədədi isə xarici fiziki və hüquqi şəxslərə məxsus olub.
Sənaye nümunələrinə dair 18 patent verilib, onlardan 7 ədədi milli, 11 ədədi isə xarici fiziki və hüquqi şəxslərə məxsus olub.
Bundan başqa keçən il Dövlət reyestrində 1755 ədəd əmtəə nişanı qeydiyyata alınıb ki, onlardan 813 ədədi milli, 942 ədədi isə xarici fiziki və hüquqi şəxslərə məxsus olub. Həmçinin coğrafi göstəricilər üzrə istifadə hüquqlarına dair 4 ədəd şəhadətnamə milli fiziki şəxs adına qeydiyyata alınıb.
Sənaye mülkiyyəti obyektləri üzrə 61 ədəd müqavilə qeydiyyata alınıb. Onlardan 55 ədədi əmtəə nişanları üzrə hüquqların verilməsinə, 5 ədədi əmtəə nişanları üzrə istifadə hüququna dair lisenziya verilməsinə, 1 ədəd ixtira üzrə istifadə hüququna dair lisenziya verilməsinə aiddir.
1news.az
