Həsən bəy Zərdabinin maarifçilik fəlsəfəsindən bəhs edən yeni kitab nəşr olunub

“Təknur” nəşriyyatı tərəfindən “Modern, Həsən bəy Zərdabinin maarifçilik ideyaları və maarifçilik fəlsəfəsi” adlı yeni kitabları çap edilib.

1news.az-ın məlumatına görə, AMEA Fəlsəfə və Hüquq İnstitunun direktoru, preofessor İlham Məmmədzadənin və fəlsəfə üzrə fəlsəfə doktoru Zemfira Göyüşovanın birgə müəllifliyi ilə nəşr edilən və üç fəsildən ibarət olan kitabın birinci fəslində maarifçilik fəlsəfəsi və mənəvi mirasın interpretasiyası, maarifçilik fəlsəfəsi və metodologiyalar (universal və xüsusi) haqqında, ikinci və üçüncü fəsillərdə isə maarifçilik anlayışında E.Kantın fəlsəfəsinin dəyəri, fəlsəfə və tarix məsələlərindən bəhs olunur.

Həmçinin, kitabda müəlliflər maarifçilik fəlsəfəsində dərk edilməyən və maarifçilərin irsinə səthi yanaşıldığı haqqında fikrilərini bölüşüblər.

1news.az