Yeni Qvineyada əsirlikdə qalmış cütlük: Bizi yeyəcəklərini düşündük – FOTO
İngiltərənin paytaxtı Londonda yaşayan Metyu Lovan və onun ABŞ-dan olan qız dostu Mişel Klemens Yeni Qvineyada istirahət edərkən yerlilər tərəfindən qaçırılıblar.
1news.az Türkiyə mətbuatına istinadən xəbər verir ki, bu barədə onların özləri məlumat veriblər.
Belə ki, Yeni Qvineyaya istirahət etmək üçün yollanan Metyu ilə Mişel yerli qəbilələrdən birinin üzləri tərəfindən qaçırılıblar.
“Əvvəlcə bizi soyundurdular və gözlərimizi bağladılar. Bədənlərinə və üzlərinə savaş boyası çəkmişdilər. Çox qorxduq və bizi yeyəcəklərini düşündük. İlk dəfə qaçmaq istəyərkən yaxalandıq və qaçmağa çalışdığımız üçün bizə işgəncə verdilər. Lakin ikinci cəhdimiz uğurlu oldu və bir kəndlinin köməyi ilə təhlükəsiz əraziyə getdik”- deyə, cütlük bildirib.
Qeyd edək ki, vaxtilə Yeni Qvineyanın yerli qəbilələri arasında kannibalizm adəti geniş yayılmışdı. Belə ki, tez-tez bir-biri ilə müharibə aparan qəbilələr tutduqları düşmən döyüşçüləri yeyirdilər. Öldürülənin ürəyi isə hörmət əlaməti olaraq onu öldürən şəxsə verilirdi. Hazırda Yeni Qvineyada kannibalizmin olmadığı deyilsə də, bəzi qəbilələrin hələ də insan əti yedikləri ilə bağlı iddialar var.
1news.az
