Venesuelada 60 günlük fövqəladə iqtisadi vəziyyət tətbiq edilib

Venesuela prezidenti Nikolas Maduro ölkədə 60 günlük fövqəladə iqtisadi vəziyyətin tətbiq edilməsi haqqında qərar qəbul edib.

1news.az “РИА Новости”-yə istinadla xəbər verir ki, bu haqda Venesuela hökumətinin yaydığı açıqlamada bildirilir.

Açıqlamaya əsasən, fövqəladə vəziyyətin tətbiqi ölkə vətəndaşlarının təhsil, səhiyyə, əmlak və s. sosial hüquqlarının müdafiəsinə yönəlib. Yaxın müddət ərzində Venesuelanın iqtisadiyyat naziri Luis Rodriqes hökumətin atacağı konkret addımlarla bağlı ətraflı məlumat verəcək. 

Qeyd edək ki, son iki ildə dünya bazarlarında neftin qiymətinin aşağı düşməsi Venesuelada iqtisadi böhrana səbəb olub.

1news.az