Azərbaycanda sığortalanmış əmənətlərin məbləğinə qoyulan məhdudiyyətlər qaldırıldı

Azərbaycan hökuməti 2016-cı il fevralın 1-dən sığortalanmalı olan bank əmanətlərinin məbləğinə qoyulan məhdudiyyəti aradan qaldırmağı təklif edir.

“İnterfax-Azərbaycan”-ın verdiyi xəbərə görə, bunu Azərbaycan Mərkəzi Bankının (AMB) İdarə Heyətinin sədri Elman Rüstəmov parlamentin İqtisadiyyat və Hüquq siyasəti komitələrinin birgə iclasında çıxışı zamanı bildirib.

Hazırda sığorta sistemi illik 12% dərəcəsi ilə 30 min manata qədər olan əmanətləri əhatə edir.

“Azərbaycan hökuməti sığorta olunan bank əmanətlərinə qoyulan məhdudiyyəti aradan qaldırmağı təklif edir”, - deyə E.Rüstəmov “Əmanətlərin tam sığortalanması haqqında” qanun layihəsini şərh edərkən bildirib.

Bununla yanaşı, əmanətin qoyulduğu valyutadan asılı olaraq differensiasiya edilən əmanət faizləri üzrə məhdudiyyətlər saxlanılacaq.

“Manat əmanətləri üzrə dərəcə milli valyutaya marağın artırılması üçün daha yüksək olacaq. Əmanətlərin Sığortalanması Fondu (ADİF) illik faiz dərəcəsini müəyyən edəcək. Əgər əmanətin faiz dərəcəsi bu dərəcə həddində olarsa, o zaman əmanət 3 il müddətinə sığortalanacaq”, - deyə E.Rüstəmov bildirib.

O deyib ki, qanunvericiliyə əsasən, əmanətçi əmanətlərin sığortalanması üzrə yeni qaydalarla müqavilə bağlamaq istəsə, əmanətlər üzrə faiz dərəcələrinin saxlanması nəzərdə tutulub.

Qanun layihəsinə əsasən, dəyişikliklər 2016-cı il fevralın 1-dən qüvvəyə minəcək.

“İnterfax-Azərbaycan”