“Koton” Bakının mərkəzindəki iki mağazasını bağladı – FOTO
“Koton” mağazalar şəbəkəsi paytaxt mərkəzindəki 2 mağazasının bağlanması haqqında açıqlama verib.
“Hazırda mövcud olan bazar şəraitinə görə bəzi addımlar atmağa məcbur olduq. Bakıda Fontanlar meydanında ( Əziz Əliyev küç. 11) ilk açılan Koton mağazasını, həmçinin, Azərbaycan pr.14-də yerləşən mağazanın bağlanılması haqqında qərar qəbul etmək asan olmadı.
Lakin biz ümid edirik ki, bu məsuliyyətli qərar Koton brendinin bizim bazardakı mövqeyini daha da möhkələndirəcək və yaxşılaşdıracaq”,- deyə, Koton mağazalar şəbəkəsinin mətbuat xidmətinin rəhbəri Rüfət Ağayev deyib.
Onun sözlərinə görə, 2 mağaza bağlansa da, brend “Park Center”, “Park Bulvar”, “Metropark” kimi ticarət mərkəzlərində fəaliyyət göstərir. Bundan başqa Kotonun Gəncə Şəhərində də mağazası var.
Yaxın zamanlarda “Ganjlik Mall”-da yeni mağazanın açılışı gözlənilir.
Qeyd edək ki, “Koton” - türk geyim brendi Avropada da papulyardır. Bu brendin ilk mağazası 1988-ci ildə İstanbul şəhərində açılıb. Hal-hazırda şirkət təkçə Türkiyədə deyil, həm də bütün dünyada inkişaf etmiş ticarət şəbəkəsinə sahibdir.
1news.az
