Alyaskada 7,1 bal gücündə zəlzələ olub

ABŞ-ın şimal-qərbindəki Alyaska ştatında 7,1 bal gücündə zəlzələ olub.

Zəlzələnin ştatın ən böyük şəhəri Ankoragenin 261 kilometr cənub qərbində baş verdiyi bildirilir.

AZƏRTAC haberturk.com-a istinadla xəbər verir ki, ABŞ Geoloji Ölçmə Mərkəzinə görə, zəlzələ yerin 124,8 kilometr dərinliyində meydana gəlib. Milli Hava Xidməti zəlzələnin dərinliyi səbəbindən sunaminin gözlənilmədiyini açıqlayıb.