Azad Rəhimov: 5 ildən sonra “Formula-1” yarışını keçirməkdən imtina edə bilərik
“Formula-1” rəhbərliyi ilə müqavilə 10 illik bağlanıb. Müqaviləyə əsasən, Azərbaycanda “Formula-1” yarışları 5 il keçirilməlidir.
1news.az-ın məlumatına görə, bunu gənclər və idman naziri Azad Rəhimov bu il Bakıda təşkil olunacaq “Formula-1” yarışından danışarkən deyib:
“10 illik müqavilənin növbəti 5 ilində isə Azərbaycan öz istəyinə əsasən yarışı ya keçirə, ya da dayandıra bilər. Ancaq ilk 5 ildə keçirilməlidir. Bundan tez yarışı dayandırsaq cərimə ödəməli olacağıq”.
“Hazırda yarışın büdcəsinin 12 milyon dollar olduğunu deyən nazirin sözlərinə görə, bu yarışın büdcəsi hər il ödənən haqq və təşkilati xərclərdən ibarətdir:
“Bizim “Formula -1” rəhbərliyinə 150 milyon dollar ödəyəcəyimiz barədə deyilənlərə gəlincə, bunu müqaviləmizi görməyən italyan əsilli şəxslərdən biri deyib. Yarışın keçirildiyi müddətdə davamlı olaraq xərclərlə bağlı ictimaiyyətə məlumat veriləcək”.
1news.az
