Rusiyada evdə baş verən yanğında üç azyaşlı ölüb

Rusiyanın Həştərxan vilayətinin Kamızyaksk rayonunda fərdi evdə güclü yanğın zamanı 3 azyaşlı uşaq ölüb.

1news.az TACC-a istinadla verdiyi xıbırı görə, bu barədə Rusiya FHN-in regional idarəsindən məlumat verilib.

Yanğın söndürüldükdən sonra 2011, 2013 və 2014-ci il təvəllüdlü üç uşağın meyiti aşkarlanıb. Yanğın zamanı evdə azyaşlılardan başqa heç kim olmayıb.

İlkin ehtimala görə, yanğına səbəb elektrik naqillərində baş verən qısa qapanma olub.

Faktla bağlı polis və prokurorluq orqanları araşdırma aparır.

1news.az