Səfir: “Ankaradakı partlayışdan zərərçəkənlər arasında Azərbaycan vətəndaşları qeydə alınmayıb”

Ankaradakı partlayış nəticəsində zərərçəkənlər arasında Azərbaycan vətəndaşının olması barədə heç bir məlumat qeydə alınmayıb.

1news.az xəbər verir ki, bu barədə Azərbaycanın Ankaradakı səfiri Faiq Bağırov AZƏRTAC-a açıqlamasında bildirib. Qeyd edib ki, məsələ ilə əlaqədar səfirlikdə qaynar xətt yaradılıb. Araşdırmalar davam etdirilir.

Xatırladaq ki, bazar günü Türkiyənin paytaxtı Ankarada baş nazirin ofisi yaxınlığında güclü partlayış baş verib. Terror aktı nəticəsində 34 nəfər həlak olub, 124 nəfər isə ağır yaralanıb.

1news.az