İstanbulda terror aktı nəticəsində 4 nəfər ölüb, 20 nəfər xəsarət alıb - FOTO - VİDEO - YENİLƏNİB

Türkiyənin İstanbul şəhərinin mərkəzində - İstiqlal prospektində partlayış baş verib

 1news.az-ın  “Habertürk ” saytına istinadən verdiyi məlumata görə, ticarət mərkəzlərindən birinin qarşısında baş verən partlayış nəticəsində 4 nəfər ölüb, 20 nəfər xəsarət alıb.

İstanbul valisi Vasip Şahin partlayışı kamikadzenin törətdiyini, ölənlərdən birinin də məhz həmin terrorçu olduğunu bildirib. Yaralıların sayı 15 nəfərdir. Onlardan 3-nün durumu ağırdır.

 Hadisə yerli vaxtla saat 10.55-də İstiqlal prospektindəki Balo sokak deyilən yerdə baş verib.

1news.az

@Hamosh84 Moment when bomb went of in #Taksim #Istanbul #Turkey. pic.twitter.com/JN7M2duufL — Hamosh (@Hamosh84) 19 марта 2016 г.

14.26

Son məlumata görə, İstanbulun İstiqlal prospektində törədilən partlayış nəticəsində 4 nəfər ölüb, 20 nəfər yaralanıb.

Yaralılardan 3-nün vəziyyətinin ağır olduğu bildirilir.

13:51

Martın 19-da İstanbulun İstiqlal prospektində partlayış baş verib.

İlkin məlumata görə, partlayış terror aktıdır və terrorçu-kamikadze tərəfindən törədildiyi ehtimal olunur. Partlayış nəticəsində iki nəfər həlak olub, yeddi nəfər xəsarət alıb. Ölənlərdən birinin terrorçu olduğu bildirilir.

​