Ərdoğan Vaşinqton sammitində Obama ilə görüşməyi planlaşdırır
Türkiyə prezidenti Rəcəb Tayyib Ərdoğan bəyan edib ki, bəzi məsələlərdə fikir ayrılığına baxmayaraq Vaşiqtonda keçiriləcək Nüvə Təhlükəsizliyi sammitində Barak Obama ilə görüşəcək.
“Həmkarlarımız G20 sammitində olduğu kimi burada da Obama ilə görüş planlaşdırıb”.
“Obamanın dəvəti ilə sammitdə 50-dən artıq dünya lideri iştirak edəcək, bir onların çoxu ilə görüşməyi planlaşdırırıq. Mən prezident Obama ilə ikitərəfli görüş keçirməyi nəzərdə tuturam”, -deyən Ərdoğan görüşün nə qədər uzanacağını bilmədiyini qeyd edib.
Ərdoğanın bu bəyanatı Ağ Evdə ikitərəfli görüşün olmayacağı ilə bağlı bəyanat səsləndirildək sonra yayılıb.
“ABŞ prezidenti Barak Obama Merilend ştatında məscidin açılışında iştirakla bağlı Ərdoğanın dəvətini qəbul etməyib. Həmçinin Obama Türkiyə lideri ilə təkbətək görüşü də planlaşdırmır”, - The Wall Street Journal qəzeti Ağ Ev administrasiyasına istinadən məlumat yayıb.
Ərdoğanla görüş zamanı Amerika tərəfini vitse-prezident Co Bayden təmsil edəcək.
Mənbələrin uazdığına görə Obamanın Ərdoğanla görüşmək istəməməyini etinasızlıq kimi qəbul etmək olmaz. Bu onunla izah olunur ki, prezidentlərin ötən ilin noyabr ayında görüşü, fevralda isə telefonla söhbətləri olub.
İraq və Suriyada vətəndaş müharibəsinin aradan qaldırılması, qlobal qaçqın probleminin həlli, İŞİD-ə qarşı mübarizədə, Türkiyə ABŞ və Qərbin əsas müttəfiqidir.
NATO-nun üzvü olan Türkiyə İraq və Suriyada İŞİD qruplaşmasına qarşı mübarizədə ABŞ-ın rəhbərlik etdiyi koalisiyaya daxildir. Lakin tərəflər arasında Suriyanın şimalındakı kürdlərlə bağlı məsələdə fikir ayrılığı mövcuddur. Türkiyənin onları milli təhlükəsizliyə təhlükə olaraq gördüyü halda Amerikalılar onları silahla təmin edir.
1news.az
