Obama Vaşinqtonda Ərdoğanla görüşüb | 1news.az | Xəbərlər
Dünya

Obama Vaşinqtonda Ərdoğanla görüşüb

09:26 - 01 / 04 / 2016
Obama Vaşinqtonda Ərdoğanla görüşüb

ABŞ prezidenti Barak Obama Vaşinqtonda keçirilən nüvə təhlükəsizliyi sammiti çərçivəsində türkiyəli həmkarı Rəcəb Tayyib Ərdoğanla görüşüb.

1news.az-ın “RİA Novosti”-yə istinadən verdiyi xəbərə görə, bu barədə Ağ Evin yaydığı məlumatda bildirilir. Məlumata görə, görüşdə təhlükəsizlik məsələləri, habelə, terrorçuluq və qanunsuz miqrasiya ilə mübarizə məsələləri müzakirə olunub.

Barak Obama martın 31-də Diyarbəkirdə törədilən terror aktı nəticəsində həlak olanlarla bağlı Ərdoğana başsağlığı verərək, ABŞ-ın Türkiyənin təhlükəsizliyinin təmin olunmasına və terrorçuluqla ümumi mübarizəyə verdiyi dəstəyin davam etdiriləcəyini təsdiqləyib.

İki ölkə lideri həmçinin İŞİD-lə mübarizə məsələlərini də müzakirə ediblər.

Qeyd edək ki, sammit ərəfəsində mətbuatda Obama-Ərdoğan görüşünün baş tutmayacağı barədə məlumatın yayılması intriqaya səbəb olub. Müşahidəçilər bunun ABŞ-Türkiyə münasibətlərinin soyuması ilə əlaqələndiriblər. Lakin, ABŞ administrasiyası sonradan prezidentlər arasında görüşün baş tuta biləcəyi barədə açıqlama verib.

1news.az

Paylaş:
883

Son xəbərlər

Füzulidə ev yanıb

04 / 04 / 2025, 16:05
Bütün xəbərlər