Vaqif Dərgahlı: “Azərbaycanın silah-sursatla dolu maşınının ermənilər tərəfindən tutulması xəbəri yalandır”

Azərbaycanın Müdafiə Nazirliyi Ermənilər təfərindən silah-sursat dolu maşının ələ keçirilməsi haqqında  yayılan məlumatın yalan olduğunu bildirib.

Azərbaycan Müdafiə Nazirliyinin mətbuat xidmətinin rəhbəri Vaqif Dərgahlının bəyan etdiyinə görə bu ermənilərin yaydığı növbəti dezinformasiyadır.

“Yalnız Ermənistan Müdafiə Nazirliyinin ağlına qeyri- hərbi nəqliyyat vasitəsininin ələ keçirilməsi üçün xüsusi xidmət orqanları vasitəsilə əməliyyat keçirmək ağlına gələ bilərdi. Hər kəs bilir ki, belə maşınlar hər hansı hərbi və qoruyucu vasitələrlə təchiz olunmayıb və heç bir hərbi təhlükə yarada bilməz”, -V.Dərgahlı deyib.

Onun sözlərinə görə döyüş meydanında məğlub olan erməni hərbi rəhbərliyi belə uydurmalar yaradaraq əhalini sakitləşdirməyə və özlərini bu yolla rahatlatmağa çalışırlar.

“Sirr deyil ki, hərbi əməliyyatlar zamanı hər iki tərəfdən müxtəlif növ hərbi texnika vurulub və ya sıradan çıxarılıb. Çoc güman ki, aktiv döyüşlər bitəndən sonra erməni müdafiə nazirliyi öz siyahısına “uydurma qələbə” əlavə istəyib.

Bir məqam da ondan ibarətdir ki, Ermənistan Müdafiə Nazirliyi tərəfindən belə məlumatın yayılması həm də onu sübut edir ki, ermənilər əldə olunmuş atəşkəs razılığına məsuliyyətsiz və hörmətsiz yanaşırlar, bu isə atəşkəs rejiminin məhz ermənilər tərəfindən pozulduğunu bir daha sübut edir”,-deyə, V.Dərgahlı fikrini yekunlaşdırıb.

1news.az