Stavropolda üç terrorçu-kamikadze özlərini polis bölməsi yaxınlığında partladıblar

Rusiyanın Stavropol diyarında polis bölməsinin yaxınlığındakı binada terrorçu-kamikadze ehtimal edilən 3 nəfər özlərini parladıb.

1news.az-ın RİA-Novosti-yə istinadla verdiyi xəbərə görə, bu haqda yerli güc strukturları məlumat yayıb.

Məlumata görə, ehtimal edilən 3 kamikadze Stavropol diyarının Novoselsk rayonunda polis bölməsinin yaxınlığındakı binada özlərini partladıb.

Ümumilikdə, 5 partlayış olub. Terrorçular hadisə yerindəcə ölüblər.

Xəsarət alanlar barədə hələlik məlumat yoxdur.

1news.az