Ərdoğan alman teleaparıcıya qarşı iddia qaldırıb

Türkiyə prezidenti Rəcəb Tayyib Ərdoğan Almaniyanın ZDF telekanalının aparıcısı Yan Bömermana qarşı iddia qaldırıb.

1news.az-ın məlumatına görə, bu barədə “Anadolu” agentliyi xəbər verib.

Məlumata əsəsən, teleaparıcıya qarşı iddia qaldırılmasına səbəb onun Ərdoğana həsr etdiyi təhqiredici şeri olub. Maynts şəhər prokurorluğu iddianın hüquqi şirkət vasitəsilə verildiyini təsdiqləyib.

Qeyd edək ki, martın 31-də ZDF telekanalında yayımlanan "Neo Magazin Royale" verişində komediya aktyoru və teleaparıcısı Y. Bömerman Ərdoğan haqqında “Alçaldıcı tənqid" adlı şer oxuyub. Bununla bağlı Türkiyə hökuməti Almaniya xarici işlər nazirliyinə nota verərək Y. Bömermann barəsində araşdırmamın başladılmasını tələb edib.

1news.az