Dünyada ilk dəfə robot orta məktəbdə təhsil alacaq
Yaponiyada “Pepper” adlı danışan humanoid robot orta məktəbdə təhsil alacaq.
1news.az-ın AZƏRTAC-a istinadla verdiyi xəbərə görə, dünyada ilk dəfə robot uşaqlarla birlikdə məktəbə gedəcək.
Bu münasibətlə “Pepper”in təhsil alacağı məktəbdə mərasim təşkil olunub və uşaqlara robotla ünsiyyət qurmaq, tarixdə ilk dəfə yaranan bu şansdan yararlanmaq tövsiyə edilib.
“Pepper” özü isə məktəbə qəbul olunmasına sevindiyini, heç vaxt belə bir hadisənin olacağını düşünmədiyini və dərslərinə hər zaman hazır gələcəyini bildirib.
Qeyd edək ki, "Aldebaran Robotics" və "SoftBank"la şirkətinin birgə hazırladığı “Pepper” adlı danışan humanoid robot yapon və ingilis dilində danışmağı bacarır, həmçinin ona müraciət edən insanın səs tonunu və üz ifadələrini təhlil edib emosiyaları ayırd edə bilir.
1news.az
