İstanbulda İslam Əməkdaşlığı Təşkilatına daxil olan ölkələrin dövlət və hökumət başçılarının sammiti başlayır

Bu gün İstanbulda İslam Əməkdaşlığı Təşkilatına (İƏT) daxil olan ölkələrin dövlət və hökümət başçılarının XIII sammiti öz işinə başlayır.

1news.az xəbər verir ki, sammit Türkiyə vaxtı ilə 9:00-da İstanbul konqres mərkəzində başlayacaq. Sammitdə İƏT-ə daxil olan ölkələrin dövlət və hökumət başçıları iştirak edəcək.

Dünən Azərbaycan dövlət başçısı İlham Əliyev də sammitdə iştirak etmək üçün İstanbula işgüzar səfər edib. Həmin gün Azərbaycan prezident İlham Əliyev Türkiyə prezidenti Receb Tayyib Ərdoğanla və Bosniya və Hersoqovina Rəyasət Heyətinin sədri görüşüb. Bəkir İzetbikoviçlə görüşüb.

Qeyd edək ki, sammiti çərçivəsində aprelin 12-si “Ədalət və sülh naminə birlik və əməkdaşlıq” devizi altında İƏT XİN sədrlərinin iclası keçirilib. Nazirlər müsəlman ölkələri arasında birliyin mühüm olduğunu, islam aləmindəki münaqişələrin ədalətli həllini, qaçqınlarla bağlı problemin aradan qaldırılmasını və gələcək inkişaf istiqamətlərini  vurğulayıb.

Xüsusilə, Dağlıq Qarabağ münaqişəsinin ədalətli həllinin vacibliyi məsələsi iştirakçıların diqqətinə çatdırılıb. Qeyd  olunub ki, münaqişə beynəlxalq norma və prinsiplərə uyğun olaraq Azərbaycanın ərazi bütövlüyü çərçivəsində həll olunmalıdır. Çıxışı zamanı Türkiyə XİN sədri Mövlud Çavuşoğlu bildirib ki, islam ölkələrinin həmrəyliyi də bu münaqişənin ədalətli həllinə öz töhvəsini verə bilər.

1news.az