Ukraynada Çernobıl faciəsinin 30-cu ildönümünü qeyd edirlər – FOTO

Aprelin 26-da nüvə energetikası tarixində ən böyük texnolojı qəzanın - Çernobıl faciəsinin 30-cu ildönümü tamam olur.

1news.az-ın məlumatına görə, Ukrayna prezidenti Pyotr Poroşenko, baş nazir Vladimir Qroysman və Ali Radanın sədri Andrey Parubi Kiyevdə “Çernobıl qəhrəmanları” memorial kurqanı qarşısına güllər qoyublar.

Ukrayna dövlətinin birinci şəxsləri “Çernobıl döyüşçüləri” xatirə nişanı qarşısına da tər çiçəklər düzüblər. Faciə qurbanlarının xatirəsi bir dəqiqəlik sükutla anılıb.

Qeyd edək ki, Çernobıl faciəsi 26 aprel 1986-cı ildə baş verib. Həmin  il Ukraynanın paytaxtı Kiyev şəhəri yaxınlığında yerləşən Çernobıl AESnda güclü nüvə partlayışı oldu.

Stansiya partlayandan sonra yaranmış radioaktiv buludun böyük hissəsi Şərqi Avropaya doğru hərəkət etmişdisə, belə "ölüm bulud"unun yerdə qalan hissəsinin küləklər cənuba "sürükləmişdi". Sonucda Azərbaycanda da Çernobıl faciəsi nəticəsində radioaktiv şüalanmaya məruz qalanlar var. Bundan başqa, AES-in partlamış 4-cü enerji blokunun təhlükəsiz hala salınması üçün keçirilən "Sarkofaq" əməliyyatında 129 Azərbaycan vətəndaşı da iştirak edib ki, onların hamısı müxtəlif səviyyəli radioaktiv şüalanma alıblar.

Hadisə zamanı 7000-ə yaxın insan həlak oldu, 25000 insan güclü radiasiya nəticəsində ömürlük şikəst oldu, on minlərlə insan isə sonsuz qaldı. Bu faciədən sonra Çernobılda doğulan uşaların 90 %-də əlillik yaranır. Hadisədən neçə illər keçsə də, radiasiyanın fəsadları hələ də Avropada dolanmaqdadır.

Faciəni əks etdirən fotoları təqdim edirik:

1news.az