Çəyirtkələrin hücumu ilə əlaqədar Dağıstanda fövqəladə vəziyyət tətbiq olunub
Dağıstan Mərakeş çəyirtkələrinin son 30 ildə ən güclü hücumuna məruz qalıb.
1news.az-ın AZƏRTAC-a istinadən verdiyi xəbərə görə, acgöz həşəratlar demək olar ki, bütün bitkiləri yeyirlər. Bu yaxınlara qədər sahələri bəzəyən çöl çiçəklərinin yalnız quru gövdələri qalıb.
Hazırda əkin və otlaq sahələri məhv olmaq təhlükəsi qarşısındadır. Fermerlər məhsullarını tamamilə itirəcəklərindən qorxurlar.
Dağıstanın kənd təsərrüfatı və ərzaq naziri Kamaltudin Kamaltudinov 50 min hektar ərazinin həşəratların təhlükəsinə məruz qala biləcəyini deyib. Zərərvericilərin hücumu ilə əlaqədar respublikanın 4 rayonunda fövqəladə vəziyyət rejimi tətbiq olunub.
1news.az
803
