Yaponiyada sürücüsüz taksilər fəaliyyətə başlaya bilər
Mayın 20-də Yaponiya hökuməti sürücüsüz fəaliyyət göstərə biləcək taksilərin istifadəsinə icazə verib.
1news.az-ın RİA Novosti-yə istinadla xəbər verir ki, istehsalçılar və idarəedici kompaniyalar tərəfindən bir sıra şərtlərin yerinə yetiriləcəyi təqdirdə avtomatik rejimdə idarə olunan sürücüsüz taksilər artıq 2020-ci ildə baş tutacaq Olimpiya və Paralimpiya oyunları zamanı istifadə oluna bilər.
Şərtlərə əsasən, belə taksilərin iştirakı ilə yol nəqliyyat hadisəsi baş verərsə, bunun məsuliyyətini nəqliyyat kompaniyası öz üzərinə götürməlidir. Həmçinin taksilər avtomobilin marşrutuna distansiyadan nəzarət etməyə və onu lazım gələcəyi təqdirdə dayandırmağa imkan verən sistemlə mütləq təchiz olunmalıdır.
Hökumət qanunvericiliyə müvafiq dəyişikliyin daxil edilməsinə və belə taksilərin tezliklə sınaqdan keçirilməsinə çalışır.
1news.az
